Abaı atyndaǵy Qazaq Ulttyq Pedagogıkalyq ýnıversıteti «Rýhanı jańǵyrý - bolashaqqa baǵdar» memlekettik baǵdarlamasynyń aıasynda, 2021 jyldyń maýsym aıynyń 7-si men tamyzdyń 20-y aralyǵynda respýblıkalyq «Jas avtor» ádebı-shyǵarmashylyq baıqaýyn jarıalaıdy.

Baıqaýdyń maqsaty – otandyq balalar ádebıetiniń damýyna úles qosyp, prozalyq janrynda qalam terbetken jastardyń ádebı shyǵarmashylyǵyn qoldaý, kásibı mamandanýyna múmkindik berý, óskeleń urpaqtyń dúnıetanymyn, rýhanı bilimin baıytý bolmaq.

Baıqaý Erejesine sáıkes, baıqaýǵa Qazaqstan Respýblıkasynyń 18-ben 24 jas aralyǵyndaǵy qatysýshylar memlekettik tilde jazylǵan balalarǵa arnalǵan áńgimeler men novela shyǵarmalaryn aǵymdaǵy jyldyń tamyz aıynyń 20-na deıin rukhany_zhangyru_kaznpu@mail.ru elektrondy poshtasyna «Jas avtor» degen ataýmen joldaı alady.

Al tamyz aıynyń 26-sy kúni jınalǵan barlyq jumystar táýelsiz qazylar alqasymen anyqtalyp, qomaqty júldeli oryndaryn onlaın jáne offlaın formatynda saltanatty túrde tabystalady.

Eń úzdik ádebı shyǵarmalar arnaıy jınaq kitabyna toptastyrylady. Atalǵan balalar ádebıetiniń jınaǵy mektepke deıingi jáne bastaýysh synyp oqý baǵdarlamalary men balalar kitaphanalaryna usynylatyn bolady.

(Qosymshada ádebı-shyǵarmashylyq baıqaýdyń Erejesi usynyldy).

Otandyq balalar ádebıetin birge qoldaıyq!

«Rýhanı jańǵyrý» Ortalyǵy